জেপিএছচি-জেএছএছচি সংস্কাৰ মঞ্চৰ (JPSC-JSSC Reform Manch) বেনাৰত বিগত কেইবাদিন ধৰি ৰাঁচীৰ জয়পাল সিং মুণ্ডা ষ্টেডিয়ামত ছাত্ৰ-ছাত্ৰীসকলে ধাৰাবাহিকভাৱে প্ৰতিবাদ অব্যাহত ৰাখিছে। প্ৰতিবাদকাৰী ছাত্ৰসকলৰ মূল দাবী হৈছে ত্ৰুটিপূৰ্ণ ১৪ সংখ্যক JPSC পৰীক্ষা সম্পূৰ্ণৰূপে বাতিল কৰা, নিকা তদন্ত চলোৱা আৰু দোষীসকলৰ বিৰুদ্ধে কঠোৰ আইনী ব্যৱস্থা গ্ৰহণ কৰা।
প্ৰশাসনৰ তৰফৰ পৰা কটকটীয়া নিৰাপত্তা ব্যৱস্থা গঢ়ি তোলাৰ স্বত্বেও ছাত্ৰসকলৰ জোৰদাৰ সমদল বিধানসভাৰ দিশে অগ্ৰসৰ হয়। পৰিস্থিতি নিয়ন্ত্ৰণ কৰিবলৈ আৰু আইন-শৃংখলা বৰ্তাই ৰখিবলৈ ৰাজধানীৰ বিভিন্ন গুত্বপূৰ্ণ স্থানত আৰক্ষী বাহিনী মোতায়েন কৰা হৈছে। ছাত্ৰ আন্দোলনৰ এই উত্তাল পৰিস্থিতিয়ে বৰ্তমান ৰাজ্যখনৰ ৰাজনীতি বেছ গৰম কৰি তুলিছে।
