এক সামাজিক কৰ্মী এছ লক্ষ্মীনাৰায়ণৰ দ্বাৰা দাখিল কৰা আবেদনৰ শুনানি গ্ৰহণ কৰি এই মন্তব্য আগবঢ়ায় উচ্চতম ন্যায়ালয়ে। আবেদনকাৰীৰ অধিবক্তাই যুক্তি দিয়ে যে বৰ্তমানৰ ব্যৱস্থাত বিমান সংস্থাসমূহে যথেচ্ছভাৱে ভাড়াতন্ত্ৰ চলাইছে আৰু ইয়াৰ কোনো নিয়ন্ত্ৰক নাই।
ইয়াৰ প্ৰত্যুত্তৰত কেন্দ্ৰীয় চৰকাৰৰ হৈ উপস্থিত থকা অতিৰিক্ত ছলিচিটৰ জেনেৰেল অনিল কৌশিকক বিচাৰপীঠে প্ৰশ্ন কৰে যে পুৰণি নিয়মসমূহ কিয় কাৰ্যকৰী কৰা হোৱা নাই। চৰকাৰৰ পৰা আশ্বাস প্ৰদান কৰা হয় যে 'ভাৰতীয় বিমান অধিনিয়ম, ২০২৪' (Bharatiya Vayuyan Adhiniyam, 2024)-ৰ অধীনত নতুন নিয়মসমূহ প্ৰস্তুত কৰাৰ কাম দ্ৰুতগতিত চলি আছে আৰু পৰৱৰ্তী তিনি সপ্তাহৰ ভিতৰত সেয়া চূড়ান্ত কৰা হ'ব। এই নতুন নিয়মসমূহে বিমানৰ ভাড়া, চাৰ্জ প্ৰাইচিং আৰু অতিৰিক্ত বেগেজ মাচুলৰ দৰে বিষয়সমূহ সামৰি ল'ব।
আদালতে কেন্দ্ৰক এই নিয়মসমূহ অতি সোনকালে প্ৰকাশ কৰিবলৈ নিৰ্দেশ দিছে আৰু পৰৱৰ্তী শুনানিৰ বাবে ৭ ছেপ্টেম্বৰৰ দিন ধাৰ্য কৰিছে। এই শুনানিৰ যোগেদি বিমান যাত্ৰীসকলক বৃহৎ সকাহ প্ৰদানৰ বাবে উচ্চতম ন্যায়ালয়ে এক শক্তিশালী আৰু স্বাধীন নিয়ন্ত্ৰক প্ৰতিষ্ঠানৰ প্ৰয়োজনীয়তাৰ ওপৰত গুৰুত্ব আৰোপ কৰিছে।
