নতুনদিল্লীঃ বিশ্বজুৰি অব্যাহত থকা ভূ-ৰাজনৈতিক উত্তেজনা আৰু মূল সামুদ্ৰিক পথসমূহৰ ওপৰত ইয়াৰ প্ৰভাৱক লৈ কেন্দ্ৰীয় বন্দৰ, জাহাজ পৰিবহণ আৰু জলপথ মন্ত্ৰী সৰ্বানন্দ সোণোৱালে মঙলবাৰে ভাৰতীয় নাৱিকসকলৰ সুৰক্ষা আৰু প্ৰস্তুতিৰ এক উচ্চ পৰ্যায়ৰ পৰ্যালোচনা বৈঠক সম্পন্ন কৰে।
সংঘাত প্ৰৱণ অঞ্চলসমূহত বাণিজ্যিক জাহাজত সেৱা আগবঢ়োৱা ভাৰতীয় নাৱিকসকলৰ সুৰক্ষা আৰু মংগল নিশ্চিত কৰাৰ দিশটোত চৰকাৰে সৰ্বোচ্চ অগ্ৰাধিকাৰ দিছে বুলি বৈঠকত উল্লেখ কৰা হয়। এই পৰ্যালোচনা বৈঠকত বৈদেশিক পৰিক্ৰমা মন্ত্ৰালয় (MEA), জাহাজ পৰিবহণ সঞ্চালকালয় (DGS)ৰ জ্যেষ্ঠ কর্মকর্তাৰ লগতে পশ্চিম এছিয়া আৰু ক'লা সাগৰীয় অঞ্চলৰ (যেনে- ওমান, চৌডি আৰৱ, ইৰাণ, ৰাছিয়া আৰু ইউক্রেইন) দেশসমূহত অৱস্থিত ভাৰতীয় মিছনৰ মুৰব্বীসকলে অংশগ্ৰহণ কৰে।
বৈঠকত মন্ত্ৰীগৰাকীক বৰ্তমানৰ সুৰক্ষা পৰিস্থিতি, সামুদ্ৰিক উন্নয়ন আৰু ভাৰতীয় নাৱিকসকলৰ সুৰক্ষাৰ বাবে ভাৰতীয় কূটনীতিমূলক মিশনসমূহৰ প্ৰস্তুতিৰ বিষয়ে অৱগত কৰা হয়। বৈঠকত সৰ্বানন্দ সোণোৱালে সকলো এজেন্সীৰ সৈতে নিৰন্তৰ সমন্বয় বজাই ৰাখিবলৈ নিৰ্দেশ দিয়ে আৰু স্পষ্ট কৰি কয় যে ভাৰতীয় নাৱিকসকলৰ সুৰক্ষাই চৰকাৰৰ সৰ্বোচ্চ অগ্ৰাধিকাৰ হ'ব লাগিব।
মন্ত্ৰীগৰাকীয়ে কয়, "কোনো ভাৰতীয় নাৱিক ভূ-ৰাজনৈতিক সংঘাতৰ বলি হ'ব নালাগে। আমাৰ নাৱিকসকলক সুৰক্ষিত কৰিবলৈ, তেওঁলোকৰ পৰিয়ালক সমৰ্থন আগবঢ়াবলৈ আৰু প্ৰয়োজনীয় যিকোনো স্থানত সময়োপযোগী সহায়তা নিশ্চিত কৰিবলৈ সকলো সম্ভৱপৰ ব্যৱস্থা গ্ৰহণ কৰা হ'ব।"
জাহাজ পৰিবহণ সঞ্চালকালয়ে মন্ত্ৰীগৰাকীক অৱগত কৰে যে ইয়াৰ ২৪x৭ নাৱিক দুৰ্ভোগ আৰু সাহায্য কোষ (Seafarer Grievance and Assistance Cell) সম্পূৰ্ণৰূপে কাৰ্যক্ষম হৈ আছে। ইয়াৰ জৰিয়তে নিৰ্দিষ্ট হেল্পলাইন, তথ্য সেৱা আৰু অভিযোগ নিবাৰণ ব্যৱস্থাৰ মাধ্যমেৰে নাৱিক আৰু তেওঁলোকৰ পৰিয়াললৈ অহৰ্নিশে সহায় আগবঢ়োৱা হৈছে।
যাত্ৰাৰ পূৰ্বে সজাগতা বৃদ্ধিৰ বাবে মন্ত্ৰীগৰাটাই নিযুক্তি আৰু প্লেচমেণ্ট চাৰ্ভিচ লাইচেঞ্জী (RPSLs)ৰ দ্বাৰা কাঠনিগত প্ৰস্থান-পূর্বাভিমুখীকৰণ কাৰ্যসূচী (Pre-departure orientation programmes) পৰিচালনা কৰাৰ বাবেও গুৰুত্ব আৰোপ কৰে, যাতে নাৱিকসকলে কাৰ্যনিৰ্বাহৰ অৱস্থা, সুৰক্ষা প্ৰট'কল আৰু ভূ-ৰাজনৈতিক বিপদসমূহ সম্পূৰ্ণৰূপে বুজি পাই যাব পাৰে।
সোণোৱালে কয় যে আমাৰ দায়িত্ব কেৱল শাৰীৰিক সুৰক্ষা নিশ্চিত কৰাত সীমাবদ্ধ নহয়, নাৱিক আৰু তেওঁলোকৰ পৰিয়ালে সময়োপযোগী তথ্য, আৱেগিক সমৰ্থন আৰু সাগৰত সেৱা আগবঢ়োৱাৰ সময়ত সন্মুখীন হোৱা প্ৰত্যাহ্বানসমূহৰ বিষয়ে সম্পূৰ্ণ স্বচ্ছতা লাভ কৰিব লাগিব। ভাৰতৰ সঁহাৰি ব্যৱস্থা যাতে সক্ৰিয়, সংহত আৰু দ্ৰুত সঁহাৰি দিবলৈ সক্ষম হৈ থাকে, তাৰবাবে বিদেশত থকা ভাৰতীয় মিছন, জাহাজ কোম্পানী, সামুদ্ৰিক কৰ্তৃপক্ষ আৰু সকলো অংশীদাৰৰ সৈতে ঘনিষ্ঠ সমন্বয় বজাই ৰাখিবলৈও তেওঁ বিষয়াসকলক নিৰ্দেশ দিয়ে।
