হায়দৰাবাদ: বিশ্ব ফুটবলৰ আটাইতকৈ সন্মানীয় ব্যক্তিগত বঁটা ‘বেলন ডি’অৰ ২০২৬’ (Ballon d'Or 2026)-ৰ বাবে মনোনয়ন লাভ কৰা খেলুৱৈসকলৰ নাম ঘোষণা কৰা হৈছে। ফ্রান্স ফুটবলৰ দ্বাৰা মঙ্গলবাৰে নিশা প্ৰকাশ কৰা ৩০ জনীয়া এই তালিকাত ফুটবল জগতৰ কেইবাজনো ডাঙৰ তাৰকাৰ নাম অন্তৰ্ভুক্ত হৈছে। এই তালিকাত স্থান লাভ কৰিছে কিলিয়ান এমবাপে, লামিন ইয়ামাল, হেৰী কেন, আৰু বিগত বৰ্ষৰ বিজয়ী ওছমান ডেম্বেলেই। কিন্তু এই তালিকাৰ আটাইতকৈ চৰ্চিত বিষয় হৈ পৰে লিয়নেল মেছি আৰু ক্ৰিষ্টিয়ানো ৰোনাল্ডো।
৩৯ বছৰীয়া আৰ্জেণ্টাইন মহাতাৰকা লিয়নেল মেছিয়ে পুনৰ এবাৰ এই তালিকাত স্থান লাভ কৰাৰ বিপৰীতে পৰ্তুগালৰ ক্ৰিষ্টিয়ানো ৰোনাল্ডোক এইবাৰ তালিকাৰ পৰা সম্পূৰ্ণৰূপে বাদ দিয়া হৈছে।
মেছিৰ ঐতিহাসিক অভিলেখ, ভঙ্গ ৰোনাল্ডোৰ ৰেকৰ্ড: ২০২৬ চনৰ বেলন ডি’অৰৰ তালিকাত স্থান লাভ কৰাৰ লগে লগে লিয়নেল মেছিয়ে এক নতুন ইতিহাস ৰচনা কৰে। ২০০৬ চনত প্ৰথমবাৰৰ বাবে বেলন ডি’অৰৰ বাবে মনোনীত হোৱা মেছিয়ে ২০২৬ চনতো স্থান লাভ কৰি সম্পূৰ্ণ ২০ বছৰৰ এক দীর্ঘ পথ পৰিক্ৰমা সম্পন্ন কৰা প্ৰথমজন ফুটবলাৰ হিচাপে পৰিগণিত হয়। ইয়াৰ পূৰ্বে ২০০৪ চনৰ পৰা ২০২২ চনলৈকে (১৮ বছৰ) একেৰাহে মনোনীত হৈ এই অভিলেখ ৰোনাল্ডোৰ নামত আছিল। মেছিয়ে ৰোনাল্ডোৰ এই ১৮ বছৰীয়া দীৰ্ঘায়ুৰ অভিলেখ ভংগ কৰি নিজৰ নামত ২০ বছৰীয়া এক অভিলেখ গঢ়িলে।
তালিকাখনত ক্লাবসমূহৰ আধিপত্য: ফ্ৰান্সৰ ক্লাৱ পেৰিছ চেণ্ট-জাৰ্মেইন (PSG) ৰ খেলুৱৈসকলে এইবাৰৰ ৩০ জনীয়া তালিকাত একপ্ৰকাৰ আধিপত্য বিস্তাৰ কৰিছে। পিএছজিৰ সৰ্বমুঠ ১০ জন ফুটবলাৰ— আশ্ৰাফ হাকিমী, মাৰ্কুইনহছ, নু নো মেণ্ডেছ, জোয়াও নেভেছ, ফাবিয়ান ৰুইজ, ভিটিনহা, আৰু উইলিয়ান পাচোক ধৰি আন কেইবাজনো এই তালিকাত অন্তৰ্ভুক্ত হৈছে। স্পেনিছ ক্লাৱ ৰিয়েল মাদ্ৰিদৰ ৪ জন খেলুৱৈয়ে স্থান পোৱাৰ বিপৰীতে বাৰ্চিলোনা আৰু বায়াৰ্ন মিউনিখৰো কেইবাজনো খেলুৱৈয়ে তালিকাত স্থান লাভ কৰিছে।
বাৰ্চিলোনা আৰু স্পেইনৰ যুৱ তাৰকা লামিন ইয়ামালে কোপা ট্ৰফীৰ (বিশ্বৰ শ্ৰেষ্ঠ ২১ বছৰৰ তলৰ ফুটবলাৰ) বাবেও প্ৰবল দাবীদাৰ হিচাপে ধাৰাবাহিকভাৱে ট্ৰফী হস্তগত কৰাৰ লক্ষ্য ৰাখিছে।
য়াছিন ট্ৰফী আৰু শ্ৰেষ্ঠ প্ৰশিক্ষকৰ দৌৰ: গোলৰক্ষকসকলক দিয়া ‘য়াছিন ট্ৰফী’ৰ বাবে এইবাৰ এক নতুন বিজয়ী দেখা পোৱাটো নিশ্চিত, কাৰণ ২০২৫ চনৰ বিজয়ী জিয়ানলুইগি ডোনাৰুমাই এইবাৰ স্থান লাভ কৰাত ব্যৰ্থ হৈছে। এই তালিকাত থিব' ক'ৰ্ট'ৱা, জোয়ান গাৰ্ছিয়া আৰু ডেভিদ ৰায়াৰ দৰে প্ৰখ্যাত গোলৰক্ষকসকল আছে।
আনহাতে, 'বর্ষটোৰ শ্ৰেষ্ঠ প্ৰশিক্ষক' বঁটাৰ বাবে আর্চেনেলৰ মিকেল আৰ্টেটা, বায়াৰ্ন মিউনিখৰ ভিনচেণ্ট কোম্পানী, পিএছজিৰ প্ৰশিক্ষক লুই এnrিকো, এষ্টন ভিলাই প্ৰশিক্ষক উনাই এমৰী আৰু স্পেইন জাতীয় দলৰ প্ৰশিক্ষক লুই ডি লা ফুয়েন্তেৰ নাম মনোনীত কৰা হৈছে।
বেলন ডি’অৰ ২০২৬-ৰ পুৰুষৰ ৩০ জনীয়া তালিকা: ১. জুড বেলিংহাম (ৰিয়েল মাদ্ৰিদ) ২. পাউ কুবাৰ্ছী (বাৰ্চিলোনা) ৩. মাৰ্ক কুকুক্ৰেলা (চেেলছী/ৰিয়েল মাদ্ৰিদ) ৪. ওছমান ডেম্বেলে (পিএছজি) ৫. লুইছ ডিয়াজ (বাায়াৰ্ন মিউনিখ) ৬. ব্ৰুনো ফাৰ্নান্দেছ (মেনচেষ্টাৰ ইউনাইটেড) ৭. গেব্ৰিয়েল (আৰ্চেনেল) ৮. আৰ্লিং হালেণ্ড (মেনচেষ্টাৰ চিটি) ৯. আশ্ৰাফ হাকিমী (পিএছজি) ১০. হেৰী কেন (বাায়াৰ্ন মিউনিখ) ১১. খভিচা কভাৰাটস্কেলিয়া (পিএছজি) ১২. লামিন ইয়ামাল (বাৰ্চিলোনা) ১৩. ছাডিঅ' মান্নে (আল নাছৰ) ১৪. মাৰ্কুইনহছ (পিএছজি) ১৫. লাউটাৰ' মাৰ্টিনেজ (ইণ্টাৰ মিলান) ১৬. কিলিয়ান এমবাপে (ৰিয়েল মাদ্ৰিদ) ১৭. নু নো মেণ্ডেছ (পিএছজি) ১৮. লিয়নেল মেছি (ইণ্টাৰ মিয়ামী) ১৯. জোয়াও নেভেছ (পিএছজি) ২০. মাইকেল ওলিছে (বাায়াৰ্ন মিউনিখ) ২১. উইলিয়ান পাচো (পিএছজি) ২২. জুলিয়ান কুইননেছ (আল কাদছিয়াহ) ২৩. ডেকলান ৰাইছ (আৰ্চেনেল) ২৪. ৰদ্ৰি (মেনচেষ্টাৰ চিটি/বাৰ্চিলোনা) ২৫. ফাবিয়ান ৰুইজ (পিএছজি) ২৬. উইলিয়াম ছালিবা (আৰ্চেনেল) ২৭. ফেৰান টৰেছ (বাৰ্চিলোনা/পিএছজি) ২৮. ডেয়ট উপামেকানো (বাায়াৰ্ন মিউনিখ) ২৯. ভিনিচিয়াছ জুনিয়ৰ (ৰিয়েল মাদ্ৰিদ) ৩০. ভিটিনহা (পিএছজি)
