গুৱাহাটী: অসমৰ সাহিত্য আৰু গৱেষণা জগতৰ বাবে এক অত্যন্ত গৌৰৱোজ্জ্বল খবৰ পোহৰলৈ আহিছে। ৰাজ্যৰ বিশিষ্ট লেখক তথা সাহিত্যিক কমলা চন্দ্ৰ নাথৰ দুখন বহুমূলীয়া আৰু দুষ্প্রাপ্য গ্ৰন্থ বিশ্বৰ অন্যতম প্ৰসিদ্ধ তথা ঐতিহাসিক গ্ৰহাগাৰ লণ্ডনৰ ‘ব্ৰিটিছ লাইব্ৰেৰী’ত (British Library) সংৰক্ষণৰ বাবে অন্তৰ্ভুক্ত কৰা হৈছে। এই খবৰে অসমৰ বৌদ্ধিক মহলত আনন্দৰ জোৱাৰ তুলিছে।
প্ৰাপ্ত তথ্য অনুসৰি, অসমীয়া সংস্কৃতি, ইতিহাস আৰু থলুৱা সাহিত্যৰ লগত জড়িত এই গ্ৰন্থ দুখনে আন্তঃৰাষ্ট্ৰীয় পৰ্যায়ত স্বীকৃতি লাভ কৰাটো কেৱল লেখকগৰাকীৰ বাবেই নহয়, সমগ্ৰ ৰাজ্যখনৰ বাবেই এক বিৰল সন্মান। ব্ৰিটিছ লাইব্ৰেৰীৰ দৰে বিশ্ববিখ্যাত সংগ্ৰহালয় তথা গ্ৰন্থাগাৰত এই গ্ৰন্থসমূহ সংৰক্ষিত হ’লে বিশ্বৰ বিভিন্ন প্ৰান্তৰ গৱেষক আৰু পঢ়ুৱৈসকলে অসমীয়া সাহিত্যৰ চহকী ঐতিহ্যৰ বিষয়ে অধ্যয়ন কৰাৰ এক সুবর্ণ সুযোগ লাভ কৰিব।
স্থানীয় বুদ্ধিজীৱী আৰু সাহিত্যপ্ৰেমীসকলে এই সাফল্যৰ বাবে লেখক কমলা চন্দ্ৰ নাথকγκ আন্তৰিক অভিনন্দন জ্ঞাপন কৰিছে। তেওঁলোকৰ মতে, এই পদক্ষেপে অসমৰ থলুৱা সাহিত্য আৰু গৱেষণামূলক কৰ্মৰাজিক বিশ্বদৰবাৰত এক সুকীয়া পৰিচয় প্ৰদান কৰিব।
