নগাঁও: ৰাষ্ট্ৰীয় পৰ্যায়ত অসমৰ নাম উজলালে নগাঁৱৰ এটি প্ৰতিভাৱান কন্যাসন্তানে। দেশৰ অন্যতম প্ৰতিষ্ঠিত প্ৰতিযোগিতা 'কিডছ মিছ ইণ্ডিয়া ২০২৬' (Kids Miss India 2026)-ত বিজয়ীৰ মুকুট পিন্ধিবলৈ সক্ষম হৈছে নগাঁৱৰ মাৰিনা দাস। এই সাফল্যই কেৱল নগাঁৱেই নহয়, সমগ্ৰ অসমবাসীকে গৌৰৱান্বিত কৰি তুলিছে।
প্ৰতিযোগিতাত নিজৰ প্ৰতিভা, আত্মবিশ্বাস আৰু সুন্দৰ প্ৰদৰশনেৰে বিচাৰকসকলৰ মন জয় কৰিবলৈ সক্ষম হয় মাৰিনাই। দেশৰ বিভিন্ন প্ৰান্তৰ প্ৰতিযোগীসকলক পিছ পেলাই এই খিতাপ দখল কৰাৰ পিছতে মাৰিনাৰ ঘৰত আনন্দৰ লহৰ উঠে। কন্যাক এই পৰ্যায়ত βল দেখি পিতৃ-মাতৃৰ দুচকুত আনন্দৰ চকুপানী বৈ আহে। তেওঁলোকে কয় যে মাৰিনাৰ কঠোৰ পৰিশ্ৰম আৰু একাগ্ৰতাৰ ফলতেই আজ এই দিনটো দেখা পাবলৈ সক্ষম হৈছে।
স্থানীয় ৰাইজৰ লগতে বিভিন্ন সামাজিক সংগঠন আৰু শুভাকাংক্ষীসকলে মাৰিনা দাসক তেওঁৰ এই ব্যতিক্ৰমী সফলতাৰ বাবে শুভেচ্ছা জ্ঞাপন কৰিছে। ভৱিষ্যতে মাৰিনাই দেশৰ মঞ্চত অসমৰ নাম আৰু অধিক উচ্চলৈ লৈ যাব পাৰিব বুলি সকলোৱে আশা প্ৰকাশ কৰিছে।
