শ্ৰীলংকাৰ বিৰুদ্ধে কলম্বোত চলি থকা দ্বিতীয় টেষ্ট মেচখনত ভাৰতীয় দলৰ তাৰকা উইকেটকীপাৰ-বেটছমেন ঋষভ পন্থৰ আঘাতক লৈ চিন্তিত হৈ পৰিছে ক্ৰিকেটপ্ৰেমীসকল। মেচৰ তৃতীয় দিনটোত পন্থক ফিল্ডিং বা ৱিকেটকীপিং কৰা দেখা পোৱা হোৱা নাছিল। এই সন্দৰ্ভত মুখ খুলিছে ভাৰতীয় দলৰ বলিং কোচ মৰ্নি মৰ্কেল।
কান্ধত গুৰুতৰ আঘাত
মৰ্নি মৰ্কেলে প্ৰেছ কনফাৰেন্সত নিশ্চিত কৰিছে যে ঋষভ পন্থৰ কান্ধত ডাঙৰ আঘাত লাগিছে আৰু ইয়াৰ ফলত তেওঁৰ শৰীৰৰ লৰচৰ কৰাত কিছু সমস্যাৰ সৃষ্টি হৈছে। বেটিং কৰাৰ সময়তে তেওঁ এই আঘাতৰ সন্মুখীন হৈছিল। আঘাতৰ তীব্ৰতা বেছি থকাৰ বাবে তৃতীয় দিনটোত তেওঁৰ সলনি ধ্ৰুৱ জুৰেলে ৱিকেটকীপিংৰ দায়িত্ব পালন কৰে।
চতুৰ্থ দিনাৰ খেলক লৈ কি ক’লে মৰ্কেলে?
পন্থৰ উপলব্ধতাক লৈ মৰ্কেলে কয়, "ৰ ঋষভৰ কান্ধত বেয়াকৈ আঘাত লাগিছে। ৰাতিটোৰ ভিতৰতে তেওঁৰ অৱস্থা পৰীক্ষা কৰা হ’ব। আমি ৱিকেটৰ পিছফালে তেওঁৰ অভিজ্ঞতা বিচাৰোঁ, কিয়নো তেওঁ খেলখন খুব সুন্দৰভাৱে পঢ়িব পাৰে। আমি আশাবাদী যে তেওঁ সোনকালে সুস্থ হৈ উঠিব।" দলীয় মেনেজমেণ্টে তেওঁৰ ফিটনেছৰ ওপৰত তীক্ষ্ণ দৃষ্টি ৰাখিছে।
শ্ৰীলংকাৰ বিৰুদ্ধে ভাৰতীয় দৰে প্ৰথম ইনিংছত ৫০৩ ৰাণ সংগ্ৰহ কৰিছিল, য’ত পন্থেও এক আকৰ্ষণীয় ইনি খেলে অৱদান আগবঢ়াইছিল। এতিয়া চতুৰ্থ দিনাৰ খেলত পন্থ ফিল্ডলৈ উভতি আহিব নে নাই, সেয়া সময়হে ক’ব।
