ৰাছিয়াৰ চৰকাৰী সংবাদ মাধ্যম ‘ৰ’ছিয়া গেজেটা’ৰ প্ৰতিবেদন অনুসৰি, দেওবাৰে নিশা সংঘটিত এই ক্ষেপণাস্ত্ৰ আক্ৰমণে উদ্যোগটোৰ মূল শক্তি কেন্দ্ৰ আৰু ব্লাষ্ট ফাৰ্নেচসমূহক লক্ষ্য কৰি লৈছিল। কৌশলগতভাৱে গুৰুত্বপূৰ্ণ এই কেন্দ্ৰটোত আক্ৰমণ চলোৱাৰ ফলত উদ্যোগটোৰ স্বাভাৱিক কাম-কাজ স্তব্ধ হৈ পৰিছে।
স্থানীয় সূত্ৰৰ খবৰ অনুসৰি, এই আক্ৰমণত ১৩ জন শ্ৰমিক আৰু ঠিকাদাৰ আহত হৈছে। ঘটনাৰ পিছতে প্ৰশাসনৰ তৰফৰ পৰা উদ্ধাৰ অভিযান আৰম্ভ কৰা হৈছে। অগ্নিনিৰ্বাপক বাহিনী, উদ্ধাৰকাৰী দল আৰু চিকিৎসা কৰ্মীয়ে ধ্বংসাৱশেষৰ মাজত সন্ধান চলাই আছে। বিশেষজ্ঞসকলে ক্ষতিৰ পৰিসৰ মূল্যায়ন কৰি থকাৰ সমান্তৰালভাৱে মেৰামতিৰ কাম কিমান দিনলৈ চলিব সেয়া এতিয়াও স্পষ্ট হোৱা নাই।
উল্লেখযোগ্য যে, অসামৰিক ঔদ্যোগিক আন্তঃগাঁথনি হিচাপে পৰিচিত এই উদ্যোগটোত পূৰ্বেও ৰাছিয়াই আক্ৰমণ চলাইছিল। ২০২২ চনৰ এক ক্ষেপণাস্ত্ৰ আক্ৰমণত উদ্যোগটোৰ এটা ৰোলিং মিল ধ্বংস হোৱাৰ লগতে এজন শ্ৰমিকৰ মৃত্যু হৈছিল। এতিয়া পুনৰ এই আক্ৰমণৰ ফলত উদ্যোগটোৰ ভৱিষ্যত আৰু শ্ৰমিকৰ নিৰাপত্তা সন্দৰ্ভত উদ্বেগ বৃদ্ধি পাইছে।
