কি আছিল ঘটনাটো?
ৰিপৰ্ট অনুসৰি, তুৰস্কত অনুষ্ঠিত হোৱা এটি বিশেষ বৈঠক বা ন’টো (NATO) সন্মিলনৰ অন্তত ইৰাণৰ ফালৰ পৰা আহিব পৰা এক বিশ্বাসযোগ্য হত্যাৰ ভাবুকিৰ প্ৰতি লক্ষ্য ৰাখি এই গোপন অপাৰেচন চলোৱা হৈছিল। সুৰক্ষা বাহিনীয়ে ৰাষ্ট্ৰপতি ট্ৰাম্পক মূল বিমানখনৰ পৰা সুৰক্ষিতভাৱে আঁতৰাই নিবলৈ এক চাবোটেজ বা লুকুৱাই নিয়া কৌশল অৱলম্বন কৰিছিল।
ঘটনাৰ দিনা ট্ৰাম্পক এৰূপ্লেনৰ কেটাৰিং কন্টেইনাৰৰ ভিতৰত লুকুৱাই অতি গোপনে আন এখন বিকল্প বিমানলৈ স্থানান্তৰ কৰা হৈছিল, আনহাতে তেওঁৰ মূল বিমান 'এয়াৰ ফৰ্চ ৱান'খনক ডিকয় (Decoy) অৰ্থাৎ বিপথে পৰিচালনা কৰিবলৈ খালী অৱস্থাত আকাশত উৰুৱাই দিয়া হৈছিল।
ভাবুকিক লৈ ট্ৰাম্পৰ প্ৰতিক্ৰিয়া
এই ঘটনা সন্দৰ্ভত সাংবাদিকৰ প্ৰশ্নৰ উত্তৰ দি ট্ৰাম্পে কয়, "সিহঁতে (নিৰাপত্তা বাহিনী আৰু সেনাই) মোৰ সুৰক্ষাৰ বাবে মোক আন এখন বিমানত যাত্ৰা কৰাটো বিচাৰিছিল। মই সিহঁতে কোৱামতেই কাম কৰোঁ। মই সঠিককৈ নাজানো তাত কি ভাবুকি আছিল, কাৰোবাৰ পৰা মই সদায়েই এনে বহু ভাবুকি পাই থাকোঁ।"
তেওঁ লগতে কয় যে এই ঘটনাই তেওঁৰ মনত কোনো ধৰণৰ ভয়ৰ সৃষ্টি কৰা নাছিল। "মই কোনো কথাতেই বিশেষ চিন্তা নকৰোঁ, মোৰ স্বভাৱটোৱেই তেনে," বুলি তেওঁ উল্লেখ কৰে।
আমেৰিকাৰ ইতিহাসত ৰাষ্ট্ৰপতিসকলৰ বিদেশ ভ্ৰমণৰ ক্ষেত্ৰত গোপনীয়তা ৰক্ষা কৰাটো নতুন কথা নহয় যদিও, ৰাষ্ট্ৰপতিগৰাকীক বাকী যাত্ৰী আৰু সাংবাদিকসকলৰ পৰা এনেদৰে সম্পূৰ্ণ গোপনে পৃথক কৰি অন্য বিমানেৰে লৈ যোৱাৰ ঘটনা অতি বিৰল আৰু অভূতপূৰ্ব বুলি বিশ্লেষকসকলে মত প্ৰকাশ কৰিছে।
