সংযুক্ত ৰাষ্ট্ৰৰ সুৰক্ষা পৰিষদৰ বিশ্লেষাত্মক সমৰ্থন আৰু নিষেধাজ্ঞা নিৰীক্ষণ দলৰ (Analytical Support and Sanctions Monitoring Team) ৩৮ সংখ্যক প্ৰতিবেদনত এই কথা প্ৰকাশ পাইছে। প্ৰতিবেদন অনুসৰি, AQIS এ এতিয়া এটা ছড়াবৈঠক বা বিচ্ছিন্ন গোটৰ পৰা বিকাশ লাভ কৰি এক আঞ্চলিক সন্ত্ৰাসবাদী শক্তিলৈ ৰূপান্তৰিত হৈছে। এই গোটে সৰু সৰু আৰু বিকেন্দ্ৰীকৃত গোটৰ সহায়ত লজিষ্টিক তথা বিত্তীয় নেটৱ্ৰেক শক্তিশালী কৰি তুলিছে।
যোৱা বছৰৰ নৱেম্বৰ মাহত দিল্লীৰ লাল কিল্লাৰ ওচৰত সংঘটিত হোৱা এই বিস্ফোৰণটোত ১১ জন লোকৰ প্ৰাণহানি হৈছিল আৰু বহু লোক আহত হৈছিল। ৰাষ্ট্ৰীয় তদন্তকাৰী সংস্থা (NIA)-ৰ তদন্তত পোহৰলৈ আহিছিল যে এই আক্ৰমণৰ সৈতে জড়িত উমৰ উন নবী নামৰ লোকজন আত্মঘাতী আক্ৰমণকাৰী আছিল আৰু তেওঁ AQIS ৰ এটা শাখাৰ সৈতে জড়িত আছিল।
ইয়াৰোপৰি, প্ৰতিবেদনখনত সন্ত্ৰাসবাদী গোটসমূহে বাংলাদেশক ব্যৱহাৰ কৰি নিজৰ নতুন ছেল বা ঘাটি স্থাপন কৰাৰ প্ৰচেষ্টা চলোৱাৰ সন্দৰ্ভতো গভীৰ উদ্বেগ প্ৰকাশ কৰা হৈছে। এই আন্তঃৰাষ্ট্ৰীয় প্ৰতিবেদনে ভাৰতৰ ৰাষ্ট্ৰীয় সুৰক্ষাৰ ক্ষেত্ৰত চলি থকা ভাবুকি আৰু সন্ত্ৰাসবাদ বিৰোধী যুঁজৰ গুৰুত্বকে পুনৰবাৰ প্ৰতিপন্ন কৰিছে।
