চিউল: কৃতিম বুদ্ধিমত্তা বা এআই (AI) চিপৰ বজাৰত অব্যাহত থকা অভূতপূৰ্ব চাহিদাৰ ফলত দক্ষিণ কোৰিয়াৰ প্ৰযুক্তি জায়েন্ট ছেমছাং ইলেক্ট্রনিক্সে এক ঐতিহাসিক সাফল্য অর্জন কৰিছে। বৃহস্পতিবাৰে প্ৰকাশিত প্ৰতিবেদন অনুসৰি, বিত্তীয় বৰ্ষৰ দ্বিতীয় ত্ৰৈমাসিকত (এপ্ৰিল-জুন) কোম্পানীটোৰ নিট লাভ বিগত বৰ্ষৰ অনুৰূপ সময়ছোৱাৰ তুলনাত প্ৰায় ১৩০০ শতাংশ বৃদ্ধি পাইছে।
অভিলেখ ভংগকাৰী লাভ আৰু ৰাজহ:
ছেমছাং ইলেক্ট্রনিক্সৰ ত্ৰৈমাসিক প্ৰতিবেদন মতে, বিত্তীয় বৰ্ষৰ দ্বিতীয় ত্ৰৈমাসিকত কোম্পানীটোৰ মুঠ নিট লাভ ৭৬.৬২ ট্ৰিলিয়ন ৱন (প্ৰায় ৪৯.৬ বিলিয়ন মাৰ্কিন ডলাৰ) স্পৰ্শ কৰিছে। যোৱা বছৰৰ এই সময়ছোৱাত ইয়াৰ পৰিমাণ আছিল মাত্ৰ ৫.১১ ট্ৰিলিয়ন ৱন, যি বাৰ্ষিক হিচাপত ১২৯৯.৯ শতাংশ বৃদ্ধি। ইয়াৰোপৰি, এই ত্ৰৈমাসিকত কোম্পানীটোৰ পৰিচালন লাভ ১৮১৩.৮ শতাংশ বৃদ্ধি হৈ ৮৯.৪৯ ট্ৰিলিয়ন ৱন আৰু মুঠ বিক্ৰী ১৩০ শতাংশ বৃদ্ধি হৈ ১৭১.৪৯ ট্ৰিলিয়ন ৱন হৈছে। বিশ্বৰ শীৰ্ষস্থানীয় মেম'ৰী চিপ নিৰ্মাতা কোম্পানীটোৱে একেৰাহে তৃতীয়টো ত্ৰৈমাসিকৰ বাবে অভিলেখ সংখ্যক ৰাজহ আৰু পৰিচালন লাভ পঞ্জীয়ন কৰিবলৈ সক্ষম হ'ল।
চেমিণ্ডাষ্ট্ৰ খণ্ডৰ গুৰুত্বপূৰ্ণ ভূমিকা:
ছেমছাঙৰ এই অবিশ্বাস্য সফলতাত মূল ভূমিকা পালন কৰিছে ইয়াৰ চেমিণ্ডাষ্ট্ৰ বা চিপ ব্যৱসায় খণ্ডটোৱে। বিশ্বজুৰি এআই আন্তঃগাঁথনি (AI Infrastructure) নিৰ্মাণৰ বাবে হোৱা বিনিয়োগৰ বৃদ্ধিৰ ফলত মেম'ৰী চিপৰ যোগান কম হৈ পৰিছিল আৰু ইয়াৰ দাম বৃদ্ধি পাইছিল। ইয়াৰ ফলত ছেমছাঙৰ লাভৰ পৰিমাণ তীব্ৰগতিত ওপৰলৈ উঠিছে। অৱশ্যে মোবাইল ব্যৱসায় খণ্ডত কিছু মন্থৰ গতি দেখা গ'লেও, চেমিণ্ডাষ্ট্ৰ খণ্ডৰ এই শক্তিশালী প্ৰদৰশনে সকলো ঘাটি পূৰণ কৰিছে।
ভবিষ্যতের বজাৰ সম্পৰ্কে আশাবাদী হৈ ছেমছাং কৰ্তৃপক্ষই জনাইছে যে, আগন্তুক দিনতো এআই চাৰ্ভাৰ আৰু এজেণ্টিক এআইৰ (Agentic AI) চাহিদাৰ বাবে চেমিণ্ডাষ্ট্ৰ বজাৰৰ এই উত্থান অব্যাহত থাকিব। কোম্পানীটোৱে গ্ৰাহকৰ চাহিদা অনুযায়ী DRAM আৰু NAND ফ্লেশ মেম'ৰীৰ উৎপাদন নিয়ন্ত্ৰণ কৰি নিজৰ বজাৰ দখল আৰু অধিক শক্তিশালী কৰাৰ পৰিকল্পনা হাতত লৈছে।
